ఆ ప్రాజెక్టులో దూకడానికి వెళ్లిన మహిళ.. అంతలో పోలీసులు ఏం చేశారంటే ?

దిశ ప్రతినిధి, నిజామాబాద్: నిజాంసాగర్ ప్రాజెక్టులో దూకి అత్మహత్యయత్నం చేసిన మహిళను పోలీసులు కాపాడారు. ఈ సంఘటన బుధవారం సాయంత్రం జరిగింది. వివరాల్లోకి వెళ్లితే.. జీవితంపై విరక్తి చెంది ఆత్మహత్య చేసుకునేందుకు నిజాంసాగర్ ప్రాజెక్టు‌కు వచ్చిన మహిళను పోలీసులు కాపాడారు. ఆమె జీడిమెట్ల సుభాష్ నగర్‌కు చెందిన దుర్గోరి వినోద ( 26) గా గుర్తించారు. ఈ మేరకు వారి కుటుంబ సభ్యులకు సమాచారం అందించారు. నిజాం సాగర్ పోలీస్ స్టేషన్‌కు తరలించి కౌన్సిలింగ్ నిర్వహించినట్లు ఎస్ఐ హమేద్ తెలిపారు. కుటుంబ కలహాల నేపథ్యంలో అఘాయిత్యానికి యత్నించినట్లు తెలిసింది.