మావోయిస్టుల వారోత్సవాలు.. సరిహద్దుల్లో పోలీసులు అలర్ట్

దిశ, కాటారం : జయశంకర్ భూపాలపల్లి జిల్లా మహదేవపూర్ మండలం కాళేశ్వరం అంతర్రాష్ట్ర బ్రిడ్జి వద్ద మావోయిస్టుల వారోత్సవాల నేపథ్యంలో కాళేశ్వరం ఎస్ఐలు బాలకృష్ణ, ప్రసన్నకుమార్‌ల ఆధ్వర్యంలో మంగళవారం వాహన తనిఖీలు నిర్వహించారు.

పోలీస్ నిఘా వర్గాల హెచ్చరికతో అప్రమత్తమైన పోలీసులు తెలంగాణ, మహరాష్ట్ర సరిహద్దులో ఉన్న కాళేశ్వరం ప్రాజెక్ట్ వద్ద మావోయిస్టులు.. అసాంఘిక కార్యకలపాలకు తావివ్వకుండా ముందస్తుగా బలగాలు పహరా కాస్తున్నాయి. తెలంగాణ, మహరాష్ట్రాల నుంచి కాళేశ్వరం అంతర్రాష్ట్ర బ్రిడ్జ్ మీదుగా రాకపోకలు సాగిస్తున్న వాహనాలను నిలిపి వేసి పోలీసులు తనిఖీలు చేపట్టారు. సరైన ధ్రువపత్రాలు లేని వాహనాలకు జరిమానా విధించి వదిలేశారు. అనుమానిత వ్యక్తుల వివరాలు అడిగి తెలుసుకున్నారు. ఈ తనిఖీల్లో సివిల్, సీఆర్‌ఫీఎఫ్ పోలీసు సిబ్బంది పాల్గొన్నారు.