ఐపీఎస్‌లకు కొత్త పోస్టింగ్‌లు

దిశ, తెలంగాణ బ్యూరో: రాష్ట్రంలో 2015, 2016, 2017బ్యాచ్‌లకు చెందిన ఐదుగురు ఐపీఎస్ అధికారులకు ప్రభుత్వం పోస్టింగ్ ఉత్తర్వులు జారీ చేసింది. ఇందులో ముగ్గురు 2017 బ్యాచ్‌కు చెందినవారు కాగా మిగిలిన చెరి ఒకరు 2015, 2016 బ్యాచ్‌కు చెందినవారు. 2017బ్యాచ్‌కు చెందిన డాక్టర్ శబరీష్‌ను మణుగూరులో ఖాళీగా ఉన్న అసిస్టెంట్ ఎస్పీగా, గౌస్ ఆలమ్‌ను భూపాలపల్లి జిల్లా ఏటూరు నాగారం అసిస్టెంట్ ఎస్పీగా, అక్కడ ఉన్న 2016 బ్యాచ్ అధికారి శరత్ చంద్ర పవార్‌ను రామగుండంలో ఖాళీగా ఉన్న డిప్యూటీ పోలీసు కమిషనర్‌ (ఆపరేషన్స్)గా నియమిస్తూ ప్రధాన కార్యదర్శి సోమేశ్ కుమార్ గురువారం ఉత్తర్వులు జారీ చేశారు. 2017బ్యాచ్‌కు చెందిన డాక్టర్ వినీత్‌ను భద్రాచలం అసిస్టెంట్ ఎస్పీగా నియమించి అక్కడ ఉన్న 2015 బ్యాచ్ అధికారి రాజేష్ చంద్రను ఆదిలాబాద్‌లో ఖాళీగా ఉన్న అదనపు ఎస్పీగా నియమించారు.