రూ.26 కోట్లతో నెక్లెస్​ రోడ్డు ఆధునీకరణ

దిశ, న్యూస్‌బ్యూరో: జంటనగరాలను కలిపే నెక్లెస్​ రోడ్డును మరింత ఆధునీకరించాలని హైదరాబాద్​ మెట్రోపాలిటన్​ డెవలప్​మెంట్​ అథారిటీ (హెచ్​ఎండీఏ) నిర్ణయించింది. బుద్ధపూర్ణిమ ప్రాజెక్టు పరిధిలో పలు అభివృద్ధి కార్యక్రమాల్లో భాగంగా నెక్లెస్​ రోడ్డు సుందరీకరణ పనులు చేపడుతోంది. ప్రస్తుతమున్న బ్లాక్​ టాప్​ రోడ్డు(బీటీ రోడ్​)ను వాక్యూమ్​ డీవాటర్డ్​ సిమెంట్​ కాంక్రీట్​ (వీడీసీసీ) రోడ్డుగా మార్చే పనులకు హెచ్​ఎండీఏ శ్రీకారం చుట్టింది. రూ.26 కోట్ల వ్యయంతో 6 కిలోమీటర్ల పొడవున వీడీసీసీ రోడ్డు పనులు హెచ్​ఎండీఏ చీఫ్​ ఇంజినీర్​ బీఎల్​ఎన్​ రెడ్డి పర్యవేక్షణలో ఇంజినీరింగ్​ అధికారులు చేపట్టారు. నెక్లెస్​ రోడ్డు ప్రారంభం (ఖైరతాబాద్​ ఫ్లై ఓవర్​ బ్రిడ్జి వద్ద గల ఇందిరాగాంధీ విగ్రహం) నుంచి సికింద్రాబాద్​ బుద్ధభవన్​ సేలింగ్​ క్లబ్​ వరకు ఈ రోడ్డు వేస్తున్నారు. మూడు నెలల్లో పనులు పూర్తి చేస్తామని హెచ్ఎండీఏ అధికారులు తెలిపారు.

tag: Necklace Road Modernization, VDCC Road, HMDA, Khairatabad, Secunderabad, Buddha Purnima Project