పుతిన్‌కు ప్రధాని మోదీ ఫోన్.. కీలక అంశాలపై చర్చలు

దిశ, వెబ్ డెస్క్: ప్రధాని నరేంద్ర మోదీ శుక్రవారం రష్యా అధ్యక్షుడు వ్లాదిమిర్ పుతిన్‌తో ఫోన్‌లో మాట్లాడినట్లు ప్రధానమంత్రి కార్యాలయం తెలిపింది. ఈ నేపథ్యంలో ఉక్రెయిన్‌లో కొనసాగుతున్న పరిస్థితులపై చర్చలు జరిగినట్లు తెలుస్తోంది. అయితే రష్యా ఉక్రెయిన్ యుద్ధానికి సంబంధించిన సందర్భంలో చర్చలు, దౌత్యానికి అనుకూలంగా భారతదేశం యొక్క దీర్ఘకాల వైఖరిని ప్రధానమంత్రి పునరుద్ఘాటించారని PMO తెలిపింది. ఇది కాకుండా వ్యవసాయ వస్తువులు, ఎరువులు, ఫార్మా ఉత్పత్తుల్లో ద్వైపాక్షిక వాణిజ్యాన్ని పెంపొందించడంపై ఇరువురు నేతలు పరస్పరం చర్చలు జరిపారు.