మహారాష్ట్రలో ప్రధాని మోడీ సుడిగాలి పర్యటనలు

దిశ, నేషనల్ బ్యూరో: మహారాష్ట్ర అసెంబ్లీ ఎన్నికల కోసం ప్రధాని నరేంద్ర మోడీ ఆ రాష్ట్రంలో సుడిగాలి పర్యటనలు చేయనున్నారు. కేవలం వారం రోజుల వ్యవధిలోనే 9 ర్యాలీలు నిర్వహించనున్నారు. ఫస్ట్ ర్యాలీ ధూలేలో శుక్రవారం జరగనుంది. ఈ మేరకు బీజేపీ గురువారం ఓ ప్రకటనలో వెల్లడించింది. నవంబర్ 12వ తేదీన పూణెలో ప్రధాని మోడీ ఓ రోడ్ షో నిర్వహించనున్నట్టు వివరించింది. నడేు మధ్యాహ్నం ధూలేలో ర్యాలీ ఉంది. తర్వాత నాషిక్‌లో మధ్యాహ్నం 2 గంటలకు బహిరంగ సభలో ప్రధాని మోడీ మాట్లాడుతారు. నవంబర్ 9వ తేదీన మధ్యాహ్నం 12 గంటలకు అకోలాలో, మధ్యాహ్నం 2 గంటలకు నాందేడ్‌లో క్యాంపెయిన్‌లో పాల్గొని ప్రసంగిస్తారు. 12వ తేదీన చిమూర్, సోలాపూర్‌లలో నిర్వహించే ర్యాలీల్లో ప్రధాని పాల్గొంటారు. అదే రోజు సాయంత్రం పూణేలో ఓ రోడ్‌ షోలో ప్రసంగిస్తారు. నవంబర్ 14వ తేదీన ఛత్రపతి శంభాజీ నగర్, రాయిగడ్, ముంబయిలలో నిర్వహించే ర్యాలీల్లో ప్రధాని మాట్లాడుతారు.