Arvind Kejriwal :చెత్త రాజకీయాలు కావాలంటే బీజేపీకి ఓటెయ్యండి

న్యూఢిల్లీ: ఆప్ కన్వీనర్, ఢిల్లీ సీఎం అరవింద్ కేజ్రివాల్ బీజేపీపై తీవ్ర ఆరోపణలు చేశారు. చెత్త రాజకీయాలు కావాలని అనుకుంటే బీజేపీకి ఓటేయ్యాలని అన్నారు. గుజరాత్ ఎన్నికల ర్యాలీలో కేజ్రివాల్ ను ఉగ్రవాదానికి సానుభూతిపరుడని సీఎం యోగీ వ్యాఖ్యలు చేసిన నేపథ్యంలో ఆయన స్పందించారు. యోగీ మాట్లాడిన వీడియోను షేర్ చేస్తూ ట్వీట్ చేశారు. మీకు మీకు దుర్భాషలు, గూండాయిజం, అవినీతి లేదా మురికి రాజకీయాలు కావాలంటే వారికి ఓటు వేయండి. ఒకవేళ స్కూళ్లు, ఆసుపత్రులు, విద్యుత్, నీరు, రోడ్లు కావాలంటే మాకు వేయండి' అని ట్వీట్ చేశారు. అంతకుముందు యూపీ సీఎం యోగీ మాట్లాడుతూ.. రామమందిరం నిర్మాణాన్ని వ్యతిరేకించడమే కాకుండా సర్జికల్ స్ట్రైక్‌కు సంబంధించి కేజ్రివాల్ ఆధారాలు కోరారని అన్నారు. అంతేకాకుండా అవినీతి, ఉగ్రవాదం ఒకటేనని చెప్పారని గుర్తుచేశారు.