మరోసారి పంజా విసురుతున్న కరోనా.. 149 రోజులలో తర్వాత ఇదే అత్యధికం..

దిశ, వెబ్‌డెస్క్: దేశంలో కరోనా మహమ్మారి మరోసారి పంజా విసురుతుంది. గడిచిన 24 గంటల్లో 1,890 కొత్త కరోనావైరస్ కేసులు నమోదైనట్లు కేంద్ర ఆరోగ్య మంత్రిత్వ శాఖ నివేదిక విడుదల చేసింది. గతంతో పోల్చుకుంటే దాదాపు 149 రోజుల తర్వాత ఇదే అత్యధిక పెరుగుదలగా అధికారులు తెలిపారు. దీంతో దేశంలో క్రియాశీల కేసుల సంఖ్య 9,433 చేరుకుంది. అలాగే గడిచిన 24 గంటల్లో ఏడుగురు కరోనాతో మరణించారు. దీంతో ఇప్పటి వరకు కరోనాతో మరణించిన వారి సంఖ్య 5,30,831 కి చేరుకుంది. కాగా ప్రస్తుతం కరోనా రికవరీ రేటు 98.79 శాతంగా ఉన్నట్లు మంత్రిత్వ శాఖ తెలిపింది.