కాంగ్రెస్ పార్టీ @138

దిశ, వెబ్ డెస్క్: ఇండియన్ నేషనల్ కాంగ్రెస్ (INC) పార్టీ ఆవిర్భవించి ఇవాటికి 138 ఏళ్లు అవుతోంది. డిసెంబర్ 28, 1885లో కాంగ్రెస్ పార్టీని స్థాపించారు. WC బెనర్జీ కాంగ్రెస్ పార్టీకి మొట్టమొదటి ప్రెసిడెంట్ గా వ్యవహరించారు. పార్టీ ఆవిర్భావ వేడుకలను ఘనంగా నిర్వహించడానికి కాంగ్రెస్ నాయకులు సన్నాహాలు చేస్తున్నారు. దేశ రాజధాని ఢిల్లీలోని పార్టీ ప్రధాన కార్యాలయంలో ఇవాళ ఈ వేడుకలు జరగనున్నాయి. అందుకోసం పార్టీ కార్యాలయాన్ని ముస్తాబు చేశారు. పార్టీ జెండాలతో కార్యాలయాన్ని మొత్తం నింపేశారు. ఇక ఈ కార్యక్రమంలో కాంగ్రెస్ పార్టీ నూతన అధ్యక్షుడు మల్లికార్జున ఖర్గే, సోనియా గాంధీ, ప్రియాంక గాంధీ తదితరులు పాల్గొననున్నారు. జోడో యాత్రలో ఉన్న రాహుల్ గాంధీ ఈ కార్యక్రమంలో పాల్గొంటారా లేదా అనేది వేచి చూడాల్సిందే.