రాష్ట్రమంతటా CBI సోదాలు.. స్వాగతం పలికిన సీఎం..

దిశ, వెబ్‌డెస్క్: సీబీఐ తమ సోదాలను రాష్ట్రమంతటా ముమ్మరం చేస్తోంది. ఇందులో భాగంగా సీబీఐ ఢిల్లీలో దాదాపు 21 ప్రదేశాల్లో సోదాలు చేస్తోంది. దీనిపై తాజాగా ఢిల్లీ సీఎం అరవింద్ కేజ్రీవాల్ స్పందించారు. ఎక్సైజ్ పాలసీకి సంబంధించి సీబీఐ చేస్తున్న సోదాలను మేము స్వాగతిస్తున్నాం అని ఆయన అన్నారు.

ఈ ప్రాంతాల్లో డిప్యూటీ సీఎం సిసోడియా నివాసం కూడా ఒకటి. 'సీబీఐకి స్వాగతం' అంటూ కేజ్రీవాల్ ట్వీట్ చేశారు. అంతేకాకుండా 'ఏ రోజైతే ఢిల్లీ విద్యా విధానాన్ని పొగడటం జరిగిందో.. డిప్యూటీ సీఎం సిసోడియా ఫొటో న్యూయార్క్ టైమ్స్ మొదటి పేజీలో ప్రచురితం అయ్యిందో.. అదే రోజు కేంద్రం అతడి ఇంటికి సీబీఐను పంపింది' అని కేజ్రీవాల్ పేర్కొన్నారు.