దిశ, వెబ్‌డెస్క్: జమ్మూ కశ్మీర్‌లొో బీజేపీ, నేషనల్ కాన్ఫరెన్స్ పార్టీలు బోణీ కొట్టాయి. బసోహ్లిలో నియోజకవర్గంలో బీజేపీ అభ్యర్థి దర్శన్‌కుమార్ విజయం సాధించారు. 16,034 ఓట్ల తేడాతో గెలుపొందారు. ఈ నియోజకవర్గంలో దర్శన్ కుమార్‌కు 31,874 ఓట్లు రాగా.. ఆయన సమీప ప్రత్యర్థి కాంగ్రెస్‌కు చెందిన లాల్ సింగ్ 15, 840 ఓట్లతో ఓటమి చవి చూశారు. ఇక బీఎస్పీ, పీడీపీ పార్టీల అభ్యర్థులకు కనీసం డిపాజిట్ దక్కలేదు.
ఇదిలా ఉంటే మాజీ సీఎం ఒమర్ అబ్దుల్లా నేతృత్వంలోని నేషనల్ కాన్ఫరెన్స్ పార్టీ కూడా బోణీ కొట్టింది. గురేజ్‌లో ఎన్సీ అభ్యర్థి నజీర్ విజయం సాధించారు. సమీప ప్రత్యర్థి, బీజేపీ నేత ఫకీర్ మహమ్మద్ కాన్‌పై 1,132 ఓట్ల తేడాతో నజీర్ అహ్మద్‌ఖాన్ గెలుపొందారు. కాగా.. ఓట్ల లెక్కింపులో నజీర్ అహ్మద్ ఖాన్కు 8378 ఓట్లు రాగా.. ఫకీర్ మహమ్మద్ ఖాన్కు 7246 ఓట్లు వచ్చాయి.