ఈనెల 21న ఢిల్లీ సీఎంగా అతిశీ ప్రమాణ స్వీకారం

దిశ, వెబ్ డెస్క్ : ఆమ్ ఆద్మీ పార్టీ(AAP) కీలక నాయకురాలు అతిశీ(Athishi) ఢిల్లీ సీఎంగా నియమించబడిన సంగతి తెలిసిందే. కాగా ఈ నెల 21న సీఎంగా అతిశీ ప్రమాణస్వీకారం చేయనున్నారు. ఢిల్లీ మద్యం పాలసీ కుంభకోణంలో అరెస్టయిన ఆప్ నేత అరవింద్ కేజ్రీవాల్(Aravind kejriwal) ఇటీవలే బెయిల్ పై జైలు నుండి విడుదలయ్యారు. కాగా ముఖ్యమంత్రిగా ఎలాంటి విధులు నిర్వర్తించకూడదని కోర్టు నిబంధనలు విధించగా.. సీఎం పదవికి రాజీనామా చేసి, అతిశీని సీఎం పదవిలో కూర్చోబెట్టారు కేజ్రీవాల్. అలాగే రానున్న హర్యానా(Haryana), ఢిల్లీ(Delhi) ఎన్నికల్లో క్షేత్రస్థాయిలో పనిచేసి, రెండు చోట్ల ఆప్ కు విజయం చేకూర్చడానికి ఈ సమయాన్ని వెచ్చిస్తానని కేజ్రీవాల్ ప్రకటించారు.