BJP ఎన్నికల మేనిఫెస్టో రిలీజ్ చేసిన అమిత్ షా

దిశ, వెబ్‌డెస్క్: ఝార్ఖండ్ (Jharkhand) ప్రభుత్వం అవినీతిలో కూరుకుపోయిందని కేంద్రం హోం మంత్రి అమిత్ షా (Central Home Minister Amit Shah) అన్నారు. ఈ అవినీతిని అంతం చేయాలంటే బీజేపీ అధికారంలోకి రావాలని, అందువల్ల ఈ అసెంబ్లీ ఎన్నికల్లో ప్రజలు తమ పార్టీని గెలిపించాలని పిలుపునిచ్చారు. ఝార్ఖండ్ అసెంబ్లీ ఎన్నికల నేపథ్యంలో బీజేపీ (BJP) తమ మేనిఫెస్టోని విడుదల చేసింది. పార్టీ సీనియర్ నేత, కేంద్ర హోం మంత్రి అమిత్ షా ఈ మేనిఫెస్టో (Manifesto)ను నేడు (ఆదివారం) విడుదల చేశారు. ఈ సందర్భంగా ఆయన మాట్లాడుతూ.. బీజేపీ చెప్పిందల్లా చేస్తుందని, ఇప్పటివరకు ఇచ్చిన ప్రతి హామీని అమలు చేశామని చెప్పారు. ఇక్కడ కూడా అధికారంలోకి రాగానే రాష్ట్ర అభివృద్ధి కోసం పని చేస్తామని, ప్రజలు తమపై నమ్మకముంచి అధికారం కట్టబెట్టాలని కోరారు.

‘‘మీకు ఎలాంటి ప్రభుత్వం కావాలి? మీ కడుపుకొట్టి, మీ ఆడబిడ్డలకి రక్షణ కల్పించలేని, మీ భూమిని దోచుకునే ప్రభుత్వం కావాలా..? లేక మీకు అన్ని రకాలుగా అండగా ఉండే ప్రభుత్వం కావాలా..? రాష్ట్రాన్ని ది బెస్ట్‌గా మార్చాలంటే బీజేపీకి ఓటేసి గెలిపించండి’’ అని అమిత్ షా పిలుపునిచ్చారు.