శ్రీదేవిని ఆదర్శంగా తీసుకోండి.. TRS నేతలకు ఎమ్మెల్యే శంకర్ నాయక్ సూచన

దిశ, మహబూబాబాద్ టౌన్: అనునిత్యం ప్రజల్లో ఉంటూ 23వ వార్డును అన్ని విధాలుగా అభివృద్ధి చేస్తున్న మార్నేని శ్రీదేవి రఘును ఎమ్మెల్యే శంకర్ నాయక్ అభినందించారు. బుధువారం మహబూబాబాద్ పట్టణంలోని 23 వ వార్డు పరిధిలో రూ. 15 లక్షలతో వరద కాలువ నిర్మాణ పనులకు శంకుస్థాపన, ఎన్‌జీఓస్ కాలనీలో రూ. 42 లక్షలతో నిర్మించిన పార్కును మహబూబాబాద్ శాసన సభ్యులు బానోత్ శంకర్ నాయక్ ప్రారంభించారు. ఈ సందర్భంగా ఎమ్మెల్యే మాట్లాడుతూ… రాబోయే రోజుల్లో ప్రజల కోసం, పార్టీ కోసం కష్టపడే వారికే ప్రాధాన్యం ఉంటుందన్నారు. ప్రతి కౌన్సిలర్ వార్డు అభివృద్ధికి పాటుపడాలని, వార్డుల్లో ఎలాంటి సమస్య వచ్చినా తక్షణమే స్పందించాలని కోరారు. అనునిత్యం ప్రజల్లో ఉంటూ 23వ వార్డును జిల్లాలోనే మొదటి స్థానంలో ఉంచుటకు కృషి చేస్తున్న శ్రీదేవిని ఆదర్శంగా తీసుకొని పనిచేయాలన్నారు. ఈ కార్యక్రమంలో మున్సిపల్ చైర్మన్ డా.రామ్మోహన్ రెడ్డి, వైస్ చైర్మన్ ఫరీద్, మార్నేని వెంకన్న, కౌన్సిలర్ మార్నేని శ్రీదేవిరఘు, చిట్యాల జనార్దన్, గోగుల రాజు, సలీం, హరి, ఇస్మాయిల్, తెరాస నాయకులు మరియు తదితరులు ఉన్నారు.