గోశాలలకు 116 ట్రాక్టర్ల పశుగ్రాసం తరలింపు

దిశ, ఖమ్మం: ఖమ్మం జిల్లా తల్లాడ మండలం నుంచి పలు గోశాలలకు ఎమ్మెల్యే సండ్ర వెంకట వీరయ్య మరోసారి భారీగా పశుగ్రాసం తరలించారు. గతంలో 123 ట్రాక్టర్ల ఎండు గడ్డిని గోశాలలకు పంపించిన విషయం విధితమే. తాజాగా మంగళవారం సండ్ర ఆదేశాల మేరకు తల్లాడ మండలం నుంచి స్థానిక నాయకులు, రైతులు 116 ట్రాక్టర్ల ద్వారా పశుగ్రాసం తరలించారు. ఈ సందర్భంగా ఎమ్మెల్యే మాట్లాడుతూ లాక్‌డౌన్ నేపథ్యంలో మూగ జీవులను ఆదుకునేందుకు ప్రతి ఒక్కరూ ముందుకు రావాలని పిలుపునిచ్చారు. ఎండు గడ్డి అందించేందుకు ముందుకు వచ్చిన రైతులకు సండ్ర కృతజ్ఞతలు తెలిపారు.

Tags: gross, cattle house, 116 tractor load, shifting, mla sandra venkata veeraiah