ప్రణాళికాబద్ధంగా చేద్దాం : ఎర్రబెల్లి

దిశ, వరంగల్: వీధుల్లో ఎలాంటి చెత్త లేకుండా పచ్చదనం పరిశుభ్రత ప్రతిఒక్కరూ పాటించాలని మంత్రి ఎర్రబెల్లి దయాకర్ రావు పిలుపునిచ్చారు. బుధవారం వర్ధన్నపేట పట్టణంలో పట్టణ ప్రగతి కార్యక్రమంలో పాల్గొన్న ఆయన పలువార్డులను తిరిగి పరిశీలించారు. అనంతరం ఆయన మాట్లాడుతూ.. కాలనీల్లో ఉన్న సమస్యలను పట్టణ ప్రగతి కార్యక్రమానికి వచ్చే ప్రజాప్రతినిధులు, అధికారులకు వివరించాలని తెలిపారు. పట్టణ అభివృద్ధిని ఒక ప్రణాళికాబద్ధంగా చేద్దామన్నారు. వర్ధన్నపేట నియోజకవర్గానికి గతంలో మూడుసార్లు తాను ప్రాతినిధ్యం వహించింది కావడమే గాక, తన సొంత ఊరు కూడా ఇదే నియోజవర్గ పరిధిలోకి రావడంతో ఇక్కడి ప్రజలతో తనకున్న అనుబంధాన్ని మంత్రి దయాకర్‌రావు గుర్తు చేసుకున్నారు.

Tags: Urban Progress Program, minister errabelli dayakar rao, vardhanna peta, warangal