అభిమానులకు చెప్పులు చూపించిన మలైకా

దిశ, సినిమా: ఐటెం సాంగ్స్‌‌తో నార్త్, సౌత్ ప్రేక్షకులను మెస్మరైజ్ చేసిన మలైకా అరోరా.. ప్రస్తుతం పలు రియాలిటీ షోస్‌లో మెరుస్తోంది. అంతేకాదు నాలుగుపదుల వయసులోనూ నాజూకు శరీరంతో యంగ్ హీరోయిన్స్‌కు ఆదర్శంగా నిలుస్తోంది. భర్త అర్బాజ్ ఖాన్ విడిపోయిన తర్వాత అర్జున్ కపూర్‌తో రిలేషన్ మెయింటైన్ చేస్తున్న ఈ హాట్ బ్యూటీ.. తాజాగా తన ఇంటి ఫొటోలను ఇన్‌స్టాగ్రామ్ స్టోరీస్‌లో పంచుకుంది. ఇంట్లోని ఒక కార్నర్ ఫొటోను పోస్ట్ చేయగా.. అక్కడ గోడకు ఏర్పాటుచేసిన రాక్స్‌ అన్నీ తన షూ కలెక్షన్‌తో నిండిపోవడం విశేషం. పక్కనే డ్రెస్సింగ్ టేబుల్‌తో పాటు రౌండ్ మిర్రర్ కనిపిస్తుండగా.. కొన్ని ఫ్రేమ్‌డ్ పోర్ట్రెయిట్స్ కూడా చూడొచ్చు. ఇక అక్కడే ఫ్లోర్ మీద లేత గోధుమరంగు రగ్గు పరిచిఉంది. కాగా ఈ పిక్చర్‌ను షేర్ చేసిన మలైకా..‘ఈ అందమైన రగ్గు ఇంటిని వెచ్చగా, హాయిగా ఉంచుతుంది’ అనే క్యాప్షన్ యాడ్ చేసింది. ప్రస్తుతం ‘సూపర్‌మోడల్ ఆఫ్ ది ఇయర్ 2’కు మిలింద్ సోమన్, అనుషా దండేకర్‌తో కలిసి జడ్జిగా వ్యవహరిస్తోంది.