మహేశ్‌ ఫ్యాన్స్‌కు షాకింగ్ న్యూస్.. ‘సర్కారువారి పాట’ షూటింగ్‌కు బ్రేక్..?

దిశ, సినిమా : సూపర్‌స్టార్‌ మహేశ్‌బాబు ఫ్యాన్స్‌కు షాకింగ్ న్యూస్. ఆయన అప్‌కమింగ్ మూవీ ‘సర్కారువారి పాట’ షూటింగ్‌కు బ్రేక్ పడే అవకాశం ఉందని ఇండస్ట్రీ వర్గాల టాక్. కొంతకాలంగా మోకాలి నొప్పితో బాధపడుతున్న మహేశ్.. సర్జరీ కోసం అమెరికా వెళ్లనుండటమే ఇందుకు కారణంగా తెలుస్తోంది. ఈ మేరకు రెండు నెలలపాటు షూటింగ్ వాయిదా వేస్తున్నట్లు మూవీ యూనిట్ నుంచి త్వరలోనే ప్రకటన వెలువడవచ్చని గుసగుసలు వినిపిస్తున్నాయి.

మరోవైపు తమ అభిమాన హీరో త్వరగా కోలుకోవాలని మహేశ్ ఫ్యాన్స్ సోషల్‌ మీడియా వేదికగా పోస్టులు చేస్తుండగా.. ట్విట్టర్‌లో #GETWELLSOONMAHESHBABU హ్యాష్‌ట్యాగ్‌ ట్రెండ్ అవుతోంది. ‘మీకు ఏం కాదు అన్న.. మీ మంచితనమే మిమ్మల్ని కాపాడుతుంది’ అంటూ నెటిజన్లు కామెంట్లు చేస్తున్నారు.

పరశురామ్ దర్శకత్వం వహిస్తున్న ‘సర్కారు వారి పాట’ చిత్రాన్ని జీఎంబీ ఎంటర్‌టైన్మెంట్స్, 14 రీల్స్ ప్లస్, మైత్రీ మూవీ మేకర్స్ కలిసి నిర్మిస్తున్నాయి. కీర్తి సురేశ్ ఫిమేల్ లీడ్‌గా నటిస్తున్న సినిమాకు థమన్ సంగీతం అందిస్తున్నాడు. కాగా ఈ చిత్రాన్ని 2022 ఏప్రిల్ 1న రిలీజ్ చేస్తామని మేకర్స్ గతంలో ప్రకటించిన విషయం తెలిసిందే.

యంగ్ హీరోయిన్‌పై హీరో బోల్డ్ కామెంట్.. రొమాన్స్ చెయ్యాల్సిందే అంటూ..