అన్నం పెట్టే రైతులకు అన్యాయం చేశారు !

దిశ, వెబ్‌డెస్క్: జగన్‌ సర్కార్‌పై మాజీ మంత్రి లోకేశ్ ట్విట్టర్ వేదికగా ఫైర్ అయ్యారు. రాజధాని ఉద్యమంలో మహిళలు గాయపడిన వీడియోను సోషల్ మీడియాలో పోస్టు చేసిన లోకేశ్… అన్నంపెట్టే అమరావతి రైతులకు అన్యాయం చేశారని విమర్శించారు. అన్నదాతల త్యాగాల పునాదిని సమాధి చేసే కుట్రలు చేస్తున్నారని, ఐదుకోట్ల ఆంధ్రుల రాజధాని కల సాకారం చేసిన వారి రక్తం కళ్లజూస్తున్నారని మండిపడ్డారు. లాఠీలు, తుపాకులు, నిర్బంధాలను ఎదిరించి మరీ వీరవనితలు ప్రభుత్వ పతనాన్ని శాసిస్తారని పేర్కొన్నారు.