సమైక్య పూలతోట

పాత మాటలు మానవోయి

కొత్త పాటలు పాడవోయి

పాతదారులు వదులు కుని

కొత్తదారులు నడవ వోయి

నీతుల కాలం పోయింది

చేతల కాలం వచ్చింది

దూరాలను తగ్గించే కొత్త

దారులకు స్వాగతాలు

శాస్త్ర జ్ఞానం శస్త్రజ్ఞానం

మేధకు కొత్త ఆలోచనలు

వాయుతీరున తోచు నోయి

మందబుద్ధుల జాడ లేదోయి

యువక దేశపు ప్రగతి జెండా

విశ్వయవనికపై వెలుగు నోయి

మత కుల వివక్షత లేని నేల

మనదే మనదే కదోయి

ఇక్కడ పుట్టిన ప్రతి జీవి

పంచభూతాల సాక్షిగా

స్వేచ్ఛ శ్వాసతో జీవించు

దేశసేవకై ప్రాణమిచ్చు

కలహాల కరవాలం

కాలం తీరి తుప్పు పట్టింది

సమైక్య పూలతోట

మమతల మందరాలు పూస్తుంది

రేడియమ్

9291527757