ఓటుకో సీసా.. సిద్దిపేటలో భారీ మద్యం స్వాధీనం!
దిశ, సిద్దిపేట : సిద్దిపేట మున్సిపాలిటీ ఎన్నికల ప్రచారం ముగియడంతో ప్రలోభాలకు తెరలేపారు వివిధ పార్టీల అభ్యర్థులు. మంగళవారం సాయంత్రం ఐదు గంటల వరకు ఇంటింటికీ తిరుగుతూ ఓట్లను అభ్యర్థించారు. మరికొన్ని గంటలలో మద్యం దుకాణాలు బంద్ అవుతున్న నేపథ్యంలో ఓటర్లను ప్రలోభ పెట్టడానికి భారీగా మద్యం బాటిళ్లను నిల్వ చేసుకున్నారు. పట్టణంలోని 34వ వార్డులో గల ఓ ఇంట్లో భారీగా మద్యం నిల్వ ఉంచినట్లు బీజేపీ అభ్యర్థి వెంకటేష్ పోలీస్ అధికారులకు సమాచారం అందించారు. ఘటనా […]
దిశ, సిద్దిపేట : సిద్దిపేట మున్సిపాలిటీ ఎన్నికల ప్రచారం ముగియడంతో ప్రలోభాలకు తెరలేపారు వివిధ పార్టీల అభ్యర్థులు. మంగళవారం సాయంత్రం ఐదు గంటల వరకు ఇంటింటికీ తిరుగుతూ ఓట్లను అభ్యర్థించారు. మరికొన్ని గంటలలో మద్యం దుకాణాలు బంద్ అవుతున్న నేపథ్యంలో ఓటర్లను ప్రలోభ పెట్టడానికి భారీగా మద్యం బాటిళ్లను నిల్వ చేసుకున్నారు. పట్టణంలోని 34వ వార్డులో గల ఓ ఇంట్లో భారీగా మద్యం నిల్వ ఉంచినట్లు బీజేపీ అభ్యర్థి వెంకటేష్ పోలీస్ అధికారులకు సమాచారం అందించారు.
ఘటనా స్థలికి చేరుకున్న పోలీసులు, ఎన్నికల అధికారులు మద్యం నిల్వ ఉంచిన ఇంటి తాళం తీయగా 576 రాయల్ స్టాగ్ (క్వాటర్) సీసాలను, 12 బ్లెండర్ స్ప్రెడ్ పుల్ బాటిల్ మద్యం సీసాలను పోలీసులు స్వాధీనం చేసుకున్నారు. టీఆర్‌ఎస్ అభ్యర్థి ఓటర్లను ప్రభావితం చేయడానికే మద్యం సీసాలను నిల్వ ఉంచినట్లు బీజేపీ నాయకులు ఆరోపించారు. ఇంటి యజమాని మాత్రం తాను అమ్ముకోవడానికి తీసుకొచ్చినట్లు చెబుతున్నాడు.