ఫ్లిప్ కార్ట్, అమెజాన్ లో రిపబ్లిక్ డే సేల్.. ఎప్పటి నుంచో తెలుసా..

దిశ, ఫీచర్స్ : మీరు కొత్త స్మార్ట్‌ఫోన్‌, టీవీ, ఫ్రిడ్జ్, వాషింగ్ మెషిన్ వంటి ఎలక్ట్రానిక్ గూడ్స్ కొనుగోలు చేయాలనుకుంటున్నారా. అయితే వెంటనే మీకు ఏం ఏం కావాలో జాబితాను తయారు చేసుకోండి. ఎందుకంటే ఫ్లిప్‌కార్ట్ రిపబ్లిక్ డే సేల్ తేదీని వెల్లడించింది. జనవరి 14 నుండి ప్రారంభమయ్యే ఫ్లిప్‌కార్ట్ సేల్ 6 రోజుల పాటు ఉండనుంది. జనవరి 19 వరకు జరిగే ఈ ఫ్లిప్‌కార్ట్ సేల్‌లో మీకు టీవీలు, ఎలక్ట్రానిక్ పరికరాలపై 50 శాతం నుండి 80 శాతం ధరల తగ్గింపు లభించనుంది. అలాగే ఐసీఐసీఐ బ్యాంక్ కార్డ్‌ ద్వారా కొనుగోలు చేస్తే 10 శాతం అదనపు డిస్కౌంట్ లభించనుంది.

ఫ్లిప్‌కార్ట్ సేల్ సందర్భంగా ఆపిల్, రియల్ మీ, సామ్ సంగ్, మోటోరోలా కంపెనీలు స్మార్ట్‌ఫోన్‌ల పై భారీ డిస్కౌంట్లను అందించబోతున్నాయి. అలాగే ఐ ఫోన్ 15, గూగుల్ పిక్సెల్ 7a, సామ్ సంగ్ S21 FE 5G (2023 మోడల్), మోటోరోలా ఎడ్జ్ 40 Neo, పిక్సెల్ 8 మొబైల్స్ పై కూడా డిస్కౌంట్లు ఉండనున్నాయని వెల్లడించింది.

ఫ్లిప్‌కార్ట్‌లో మాత్రమే కాకుండా, అమెజాన్ కూడా గ్రేట్ రిపబ్లిక్ డే సేల్‌ను ప్రారంభించబోతోంది. అమెజాన్‌లో సేల్ జనవరి 13 నుండి ప్రారంభం కానుంది. అమెజాన్ సేల్ ఎంతకాలం ఉంటుందనే సమాచారం ఇంకా స్పష్టం చేయలేదు. ఎస్బిఐ కార్డు ద్వారా అమెజాన్ లో పేమెంట్ చేస్తే 10 శాతం తక్షణ తగ్గింపు లభించనుంది. మరి ఇంకెందుకు ఆలస్యం వెంటనే మీకు ఏం కావాలో లిస్ట్ ప్రిపేర్ చేసేసుకోండి.