లష్కరే ముస్తఫా చీఫ్ అరెస్ట్

దిశ,వెబ్‌డెస్క్: ఉగ్రవాద సంస్థ ‘లష్కరే ముస్తఫా’ చీఫ్ హిదయతుల్లా మాలిక్‌‌ను జమ్ము కశ్మీర్ పోలీసులు అరెస్ట్ చేశారు. జమ్ము, అనంతనాగ్ పోలీసుల సెర్చ్ ఆపరేషన్‌లో మాలిక్ తమ చేతికి చిక్కినట్టు పోలీసులు తెలిపారు. అరెస్టు వివరాలను జమ్ము సూపరింటెండెంట్ ఆఫ్ పోలీస్ శ్రీధర్ పాటిల్ వెల్లడించారు. మీడియా సమావేశంలో ఆయన మాట్లాడుతూ… జమ్ములోని కుంజ్వానీ సమీపంలో హిదయతుల్లాను అరెస్ట్ చేసినట్టు చెప్పారు. అతని గురించి విశ్వసనీయం సమాచారం మేరకు అరెస్టు చేయడానికి తాము వెల్లినట్టు పేర్కొన్నారు. కాగా తమ రాకను గమనించి తమపై మాలిక్ దాడి చేశారని చెప్పారు. అతని వద్ద నుంచి ఆయుధాలను, ఓ గ్రెనెడ్‌ను స్వాధీనం చేసుకున్నట్టు తెలిపారు.