ఆ రియాలిటీ షో లో తిట్టుకున్న జడ్జిలు.. వీడియో వైరల్

దిశ, సినిమా: ‘ఇండియాస్ గాట్ టాలెంట్’ షో జడ్జిగా వ్యవహరిస్తున్న శిల్పా శెట్టి.. బిహైండ్ ది సీన్స్ వీడియోతో నవ్వులు పూయించింది. కాగా ఈ క్లిపింగ్‌లో.. తాజాగా ర్యాపర్ బాద్‌షా లంబోర్ఘిని కారుపై కో జడ్జిలు హిలేరియస్ కామెంట్స్ చేశారు. కారు గురించి మీ అభిప్రాయమేంటని మరో జడ్జి, సీనియర్ యాక్ట్రెస్ కిరణ్ ఖేర్‌ను ప్రశ్నించింది. దీనికి సమాధానమిచ్చిన కిరణ్ ఖేర్.. ‘బాద్‌షానే కారు నడుపుకుంటూ వచ్చాడు. ఎందుకంటే ఆయన డ్రైవర్‌కు కనీసం తాళం ఎక్కడ పెట్టాలో కూడా తెలియలేదు. దీంతో కారు ముందుకు కదలక.. ఇక్కడి నుంచి యశ్ రాజ్ గేట్ వరకు వెహికిల్స్ క్యూలో ఉన్నాయి’ అని ఫన్నీ కామెంట్ చేసింది. ఈ కన్వర్జేషన్‌పై నవ్వుతూ స్పందించిన బాద్‌షా.. చేతులు జోడించాడు. తర్వాత శిల్ప తీస్తున్న వీడియోను గమనించిన కిరణ్.. ‘శిల్పా నేను ఎక్కువ సమయం తీసుకోను’ అని చెప్పడంతో ‘పాయింట్ టు బి నోట్ మై లార్డ్’ అని రికార్డింగ్ క్లోజ్ చేసేసింది.