బండ్ల గణేష్ హీరోగా సినిమా.. కానీ..!

దిశ, వెబ్‌డెస్క్: క్యారెక్టర్ ఆర్టిస్టుగా తెలుగు చిత్రసీమలోకి అడుగు పెట్టిన బండ్ల గణేష్, అనతి కాలంలోనే ప్రొడ్యూసర్‌గా మారారు. ఆయన నిర్మాణ సారధ్యంలో సూపర్ హిట్‌లు కూడా అందించారు. మహేశ్‌బాబు ‘సరిలేరు నీకెవ్వరు’ సినిమాతో తిరిగి నటుడు కం బ్యాక్ ఇచ్చిన బండ్ల గణేష్ హీరోగా ఓ సినిమా చేయబోతున్నట్లు సమాచారం.

చిన్నచిన్న పాత్రలకు స్వస్తి చెప్తానని ఇటీవల కొన్ని ఇంటర్వూలలో చెప్పుకొచ్చిన విషయం తెలిసిందే. ఓ దర్శకుడు బండ్ల గణేష్ కోసం ఓ కథను రెడీ చేసి ఆయన దగ్గరకు వెళ్లాడంటా.. అయితే కథావిన్నాక.. సినిమా తీస్తే కొంచెం అటుఇటు అయినా మళ్లీ విమర్శకులకు దొరికిపోతాననే ఆలోచనతో ఆగిపోయినట్లు తెలుస్తోంది. ప్రస్తుతం బండ్ల గణేష్ పవన్ కళ్యాణ్‌తో సినిమా తీసేందుకు సిద్దమవుతున్నారు.