వూహాన్‌లో సాధారణ పరిస్థితులు

ప్రపంచ దేశాలను గజగజవణికిస్తోన్న కరోనా వైరస్‌‌కు పుట్టినిల్లు వూహాన్ ఇప్పడుప్పుడే కోలుకుంటుంది. గత మూడు రోజులుగా చైనాలో కరోనా కాస్త తగ్గుముఖం పట్టడంతో.. అక్కడ మెల్లమెల్లగా సాధారణ పరిస్థితులు నెలకొంటున్నాయి. ఈ నేపథ్యంలోనే బుధవారం ఉదయం వుహాన్ నగరంలో బస్సు సర్వీసులు ప్రారంభమయ్యాయి. తొలుత హుబే ప్రావిన్సులోని హాంకౌ రైల్వే స్టేషన్‌ నుంచి 9 వారాల లాక్‌డౌన్ తర్వాత బస్సులు రాకపోకలు సాగించాయి. అటు కరోనా మరోసారి వ్యాప్తి చెందకుండా ఉండేదుకు అక్కడి అధికారులు ప్రత్యేక చర్యలు తీసుకుంటున్నారు. ఒక్కో బస్సులో డ్రైవర్‌తో పాటు ప్రయాణికుల ఆరోగ్యాన్ని పరీక్షించేందుకు కూడా సిబ్బందిని ఏర్పాటు చేశారు.

tag: General conditions, Wuhan, china