కానిస్టేబుల్‌పై టీడీపీ మాజీ ఎంపీపీ దాడి

దిశ, వెబ్‌డెస్క్: టీడీపీ మాజీ ఎంపీపీ రెచ్చిపోయాడు. పీకల దాకా మద్యం తాగి విధుల్లో ఉన్న కానిస్టేబుల్‌ను తీవ్రంగా కొట్టాడు. వివరాలు ఇలా ఉన్నాయి. కృష్ణా జిల్లా నందిగామ మండలం జొన్నలగడ్డ చెక్ పోస్టు దగ్గర పోలీసుల తనిఖీలు చేస్తుండగా అక్కడికి వచ్చిన టీడీపీ మాజీ ఎంపీపీ అల్లాడి కోటేశ్వరరావు పోలీసులపై దురుసుగా ప్రవర్తించాడు. ఇదే క్రమంలో విధుల్లో ఉన్న కానిస్టేబుల్‌ శివపై దాడి చేశాడు. చెక్‌పోస్టు ఎవరు పెట్టమన్నారంటూ సిబ్బందిపై చిందులు వేశాడు. ఈ ఘటనను పోలీస్ శాఖ తీవ్రంగా ఖండించింది. కేసు నమోదు చేసుకున్న పోలీసులు విచారణ చేపట్టారు.