Royal Bengal Tiger : తిరుపతి జూలో రాయల్ బెంగాల్ టైగర్ మృత్యువాత

దిశ, వెబ్ డెస్క్ : తిరుపతి శ్రీ వెంకటేశ్వర జూ పార్కు(Tirupati Zoo Park)లో సోమవారం ఓ రాయల్ బెంగాల్ టైగర్(Royal Bengal Tiger) మృతి చెందింది. 2018లో బెంగుళూరులోని బాన్నేరగట్ట బయోలాజికల్ పార్కు నుంచి తీసుకు వచ్చిన మధు అనే పులి వృద్ధాప్యం వల్ల నేడు మరణించింది. రెండేళ్ల నుంచి అనారోగ్యంగా ఉన్న ఈ పులిని సందర్శనకు ఉంచకుండా, ప్రత్యేక సెల్ లో ఉంచి వైద్యం అందిస్తున్నట్టు జూ క్యురేటర్ సెల్వం పేర్కొన్నారు. వృద్ధాప్యం కారణంగా అంతర్గత అవయవాల పనితీరు లేక.. రెండు నెలలుగా ఆహారం, నీరు సరిగా తీసుకోకపోవడం వలన మరింత కృశించిన రాయల్ బెంగాల్ టైగర్ ఈరోజు మధ్యాహ్నం కన్నుమూసిందని పోస్టుమార్టం నివేదికలో వెల్లడైంది.