కత్తులతో కిరాతకంగా దాడి.. వ్యక్తి మృతి

దిశ, వెబ్‌డెస్క్: వికారాబాద్ జిల్లాలో దారుణ ఘటన చోటుచేసుకుంది. జిల్లాలోని బంటారం మండల కేంద్రంలో మల్లేశం అనే వ్యక్తిని గుర్తుతెలియని వ్యక్తులు కిరాతకంగా కత్తులతో పొడిచి హత్య చేశారు. ఈ ఘటన గురువారం చోటుచేసుకుంది. గమనించిన స్థానికులు వెంటనే బాధితున్ని తాండూరు ప్రభుత్వ ఆస్పత్రికి తరలించారు. సమాచారం అందుకున్న పోలీసులు ఘటనా స్థలానికి చేరుకొని కేసు నమోదు చేసుకున్నారు. అనంతరం దర్యాప్తు ప్రారంభించారు. ఘటనకు సంబంధించి పూర్తి వివరాలు తెలియాల్సి ఉంది.