రోడ్డు ప్రమాదంలో వైద్యుడు మృతి

ఉత్తరప్రదేశ్‌లో నిన్న రాత్రి జరిగిన ఓ రోడ్డు ప్రమాదంలో రంగారెడ్డి జిల్లా ఫరూక్ నగర్ మండలానికి చెందిన నక్కల విక్రమాదిత్య అనే ఓ వైద్యుడు మృతి చెందాడు. వైద్యవృత్తిలో మంచి పేరున్న విక్రమాదిత్య మరణవార్తతో స్థానికంగా విషాదం నెలకొంది. విషయం తెలుసుకున్న మాజీ ఎమ్మెల్యే ప్రతాప్ రెడ్డి, మృతుడి కుటుంబాన్ని పరామర్శించారు. కాగా, విక్రమ్ అంత్యక్రియలు రేపు మధ్యాహ్నం స్వగ్రామం దూసకల్‌లో జరగనున్నాయి.