’ద్వేషాన్ని ప్రచారం చేయడం మానుకోండి’

దిశ, వెబ్‌డెస్క్: వ్యవసాయ చట్టాలకు వ్యతిరేకంగా రైతులు ఆందోళన చేయడాన్ని తప్పుపట్టిన కంగన.. వారి చర్యకు పంజాబ్ సింగర్ దిల్జీత్ కారణమని కామెంట్ చేసిన విషయం తెలిసిందే. దీంతో వీరిద్దరి మధ్య ట్విట్టర్​వేదికగా మాటల యుద్ధం కూడా జరిగింది. ఈ క్రమంలో ఢిల్లీలో పోరాటం చేస్తున్న రైతులకు మద్దతుగా దిల్జిత్ కోటి రూపాయలు విరాళం ఇవ్వడంతో పాటు, రైతు ఉద్యమంలో స్వయంగా పాల్గొన్నాడు. అయితే కోటి విరాళమిచ్చి కూడా బయటకు చెప్పుకోకపోవడానికి కారణాలు ఏంటని? ఆయనపై ఫైర్ బ్రాండ్ కంగనతో పాటు పలువురు విమర్శలు చేశారు. దీనికి దిల్జీత్.. ట్విట్టర్ వేదికగా సమాధానం చెప్పారు.

దిల్జీత్ తన ఐటీ రిటర్స్న్ సకాలంలో చెల్లించినందుకు గాను ఐటీ డిపార్ట్‌మెంట్ తనకు అప్రిషియేషన్ సర్టిఫికేషన్ అందజేసింది. ఆ పత్రాన్ని ట్విట్టర్‌లో పంచుకుంటూ ‘నా భారత పౌరసౌత్వానికి ఇదే రుజువు. దేశభక్తిని నిరూపించుకోవాల్సిన అవసరం ఎవరికీ ఉండదు. ఇలా పంచుకోవడం ఇష్టలేకపోయినా పరిస్థితుల వల్ల తప్పడం లేదు. ఇకనైనా ద్వేషాన్ని ప్రచారం చేయడం మానుకోండి’ అని తనపై విమర్శలు చేసిన వారికి కౌంటర్ ఇచ్చాడు దిల్జీత్.