ఘోర రోడ్డు ప్రమాదం.. ముగ్గురి ప్రాణం తీసిన క్రూజర్ వాహనం
దిశ, మర్రిగూడ: ఫంక్షన్‌కు వెళ్లి వస్తుండగా జరిగిన ఘోర రోడ్డు ప్రమాదం ముగ్గురిని పొట్టనపెట్టుకుంది. మరో ఇద్దరిని చావుబతుకుల మధ్య కొట్టుమిట్టాడేలా చేసింది. ఈ దుర్ఘటన నల్గొండ-రంగారెడ్డి సరిహద్దు ప్రాంతం చింతపల్లి మాల్‌లో శుక్రవారం తెల్లవారుజామున చోటుచేసుకుంది. మర్రిగూడ మండలం వట్టిపల్లి గ్రామానికి చెందిన పందుల సత్తయ్య, పందుల పెద్ద రాములు, పందుల పాండులతో సహా మరో 12 మంది హైదరాబాద్‌ ఓ ఫంక్షన్‌కు వెళ్లారు. తిరిగి శుక్రవారం తెల్లవారుజామున స్వగ్రామానికి బయల్దేరారు. మార్గమధ్యలో మాల్ వద్దకు […]
దిశ, మర్రిగూడ: ఫంక్షన్‌కు వెళ్లి వస్తుండగా జరిగిన ఘోర రోడ్డు ప్రమాదం ముగ్గురిని పొట్టనపెట్టుకుంది. మరో ఇద్దరిని చావుబతుకుల మధ్య కొట్టుమిట్టాడేలా చేసింది. ఈ దుర్ఘటన నల్గొండ-రంగారెడ్డి సరిహద్దు ప్రాంతం చింతపల్లి మాల్‌లో శుక్రవారం తెల్లవారుజామున చోటుచేసుకుంది. మర్రిగూడ మండలం వట్టిపల్లి గ్రామానికి చెందిన పందుల సత్తయ్య, పందుల పెద్ద రాములు, పందుల పాండులతో సహా మరో 12 మంది హైదరాబాద్‌ ఓ ఫంక్షన్‌కు వెళ్లారు. తిరిగి శుక్రవారం తెల్లవారుజామున స్వగ్రామానికి బయల్దేరారు. మార్గమధ్యలో మాల్ వద్దకు చేరుకోగానే ఓ క్రూజర్ వాహనం బలంగా ఢీ కొట్టింది. ఈ ప్రమాదంలో పాండు, సత్తయ్య, రాములు అక్కడికక్కడే మృతి చెందగా.. యాదమ్మ, రామస్వామిల పరిస్థితి విషమంగా ఉంది. మిగతావారు స్వల్ప గాయాలతో బయటపడ్డారు. క్షతగాత్రులను హైదరాబాద్‌కు తరలించి చికిత్స చేయిస్తున్నారు. దీనిపై మరింత సమాచారం తెలియాల్సి ఉంది.