భర్తను హత్య చేసిన భార్య..

దిశ, లింగాల : కట్టుకున్న భర్తను భార్య గొడ్డలితో హత్య చేసిన సంఘటన ఆదివారం రాత్రి చోటు చేసుకుంది. వివరాలలోకి వెళితే నాగర్ కర్నూల్ జిల్లాలోని లింగాల మండలం చెన్నంపల్లి గ్రామానికి చెందిన మేకల రాముడు (40) ఆదివారం రాత్రి భార్య పిల్లలతో కలిసి నిద్రిస్తున్నాడు. తాగుడుకు బానిసైన భర్త ప్రతి రోజు భార్యతో గొడవ పడుతూ ఉండేవాడని సమాచారం. ఆదివారం రాత్రి భార్య ఎల్లమ్మ కూడా తాగిన మైకంతో ఉండడంతో భర్త నిద్రిస్తుండగా గొడ్డలితో నరికి హతమార్చింది. పూర్తి వివరాలు తెలియాల్సి ఉంది.