పిచ్చి కుక్క దాడిలో ముగ్గురికి గాయాలు

దిశ, ఎల్లారెడ్డి పేట : ఎల్లారెడ్డి పేట మండలం రాగట్లపల్లి గ్రామంలో పిచ్చి కుక్క స్వైర విహారం చేసి ముగ్గురిని గాయపరిచింది. గ్రామస్తులు తెలిపిన వివరాల ప్రకారం శుక్రవారం సాయంత్రం ఆరు గంటల ప్రాంతంలో ఇంటి బయట ఉన్న నెత్తేట్ల వజ్రవ్వ (60), నెత్తేట్ల మహాన్వీ (3), నెత్తేట్ల విఘ్నేష్(11) ఆరు బయట ఉండగా ఒక్కసారిగా పిచ్చి కుక్క దాడి చేసింది. దాంతో వారికి తీవ్ర గాయాలు కావడంతో ముగ్గురిని ఎల్లారెడ్డి పేటలో గల సామాజిక ఆరోగ్య కేంద్రానికి తరలించారు. తదుపరి చికిత్స కోసం ముగ్గురిని సిరిసిల్ల ఏరియా ఆసుపత్రికి తరలించారు. గ్రామస్తులు పిచ్చి కుక్కను వెంబడించడంతో పత్తి పొలాల్లోకి పరుగెత్తింది.