డ్యూటీకి వెళ్లిన యువతి అదృశ్యం

దిశ,ఉప్పల్ : యువతి అదృశ్యమైన సంఘటన ఉప్పల్ పోలీస్ స్టేషన్ పరిధిలో ఆలస్యంగా వెలుగులోకి వచ్చింది. వివరాల్లోకి వెళ్తే రామంతాపూర్ వెంకటరెడ్డి నగర్ కు చెందిన కోర్పోతు ఫణిభూషణ్(38), ఆయన కుమార్తె మౌనిక (17) బుధవారం ఇంట్లో నుంచి మధ్యాహ్నం ఒంటిగంటకు ఆలీకేఫ్ దగ్గర ఉన్న ప్రైవేట్ ఫార్మా డిస్ట్రిబ్యూటర్ కంపెనీలో మెడిసిన్ ప్యాకింగ్ డ్యూటీ చేసేందుకు వెళ్లారు. డ్యూటీ కి వెళ్లిన మౌనిక తిరిగి ఇంటికి రాలేదు. దాంతో ఉప్పల్ పోలీస్ స్టేషన్లో ఆమె తండ్రి ఫిర్యాదు చేశారు. ఈమేరకు దర్యాప్తు చేస్తున్నామని ఎస్సై రఘు రాము తెలిపారు.