కాలుజారి కిందపడి యువకుడు దుర్మరణం

దిశ, కుంటాల : మండల పరిధిలోని లింబ (కె) గ్రామానికి చెందిన నరసింహులు గ్రామ శివారులోని గుట్ట వద్ద ట్రాక్టర్ ట్రాలీలో బండరాళ్లు నింపడానికి వెళ్లి మృతి చెందాడు. ట్రాక్టర్ ట్రాలీలో బండరాళ్లు వేసే క్రమంలో ప్రమాదవశాత్తు కాలుజారి వెనక్కి పడడంతో తలకు బలమైన గాయం కావడంతో బైంసా ప్రభుత్వాసుపత్రికి తీసుకెళ్తుండగా మార్గమధ్యలో మృతి చెందాడు. మృతుని భార్య ఇచ్చిన ఫిర్యాదు మేరకు ఎస్సై భాస్కరాచారి కేసు నమోదు చేసి దర్యాప్తు చేస్తున్నారు.