అమ్మాయితో సెక్స్‌కు రెడీ అయిన ఆంటీ.. పోలీసులు వద్దని చెప్పినా ఏడాదిన్నరగా..
ప్రేమ గుడ్డిది అనడానికి ఈ సంఘటనే నిదర్శనం. సహజంగా అబ్బాయి అమ్మాయి ప్రేమించుకోవడం చూశాం. కానీ ఓ వివాహిత.. మరో అమ్మాయిని గాఢంగా ప్రేమించింది.
దిశ, వెబ్‌డెస్క్ : ప్రేమ గుడ్డిది అనడానికి ఈ సంఘటనే నిదర్శనం. సహజంగా అబ్బాయి అమ్మాయి ప్రేమించుకోవడం చూశాం. కానీ ఓ వివాహిత.. మరో అమ్మాయిని గాఢంగా ప్రేమించింది. ఆమె లేనిదే నేను లేనంటూ పీకల్లోతు ప్రేమలో మునిగిపోయింది. ఆమె కోసం ఏకంగా భర్తను సైతం వదిలేసి వెళ్లిపోయింది. ఉత్తర ప్రదేశ్‌లో జరిగిన ఈ వింత ప్రేమకు సంబంధించిన వివరాలు ఇలా ఉన్నాయి.
మధుర జిల్లాకు చెందిన ఓ వివాహితకు ఏడాదిన్నర క్రితం గోరఖ్‌పుర్‌ అమ్మాయితో ఇన్‌స్టాగ్రామ్‌లో పరిచయం ఏర్పడింది. ఆ స్నేహం కాస్తా ప్రేమగా మారింది. ఒకరిని విడిచి మరొకరు ఉండలేని స్థితికి వచ్చారు. దీంతో మూడు నెలల క్రితం ఆ వివాహిత భర్తను వదిలేసి మధురకు వచ్చింది. సదరు యువతితో పెళ్లి చేయాలని కుటుంబ సభ్యులపై ఒత్తిడి చేసింది. అయినా వాళ్లు పట్టించుకోకపోవడంతో నాలుగు రోజుల క్రితం ఓ న్యాయవాది సహాయంతో పెళ్లికి రెడీ అయింది. ఇదే విషయాన్ని కుటుంబ సభ్యులకు తెలిపింది. వాళ్లు ఎంత నచ్చజెప్పినా ఆమె వినకపోవడంతో పోలీసులకు ఫిర్యాదు చేశారు.
పోలీసులు సదరు వివాహితకు కౌన్సెలింగ్ ఇచ్చినా.. తాను ఆ అమ్మాయినే పెళ్లి చేసుకుంటానని.. ఆమెతోనే కాపురం చేస్తానని తెగేసి చెప్పింది. దీంతో ఆ వివాహిత తల్లి, సోదరుడు పోలీస్ స్టేషన్‌లో పెట్రోల్ పోసుకుని ఆత్మహత్యాయత్నం చేశారు. తమ పరువు తీస్తుందని ఆవేదన వ్యక్తం చేశారు. పోలీసులు సకాలంలో స్పందించి వారిని హాస్పిటల్‌కు తరలించారు. అయితే తను భర్త దగ్గరకు వెళ్లనని, అతడితో శృంగారం తనకు ఇష్టం లేదని.. తన చెలికాడుతోనే రొమాన్స్ చేస్తానని ఆ వివాహిత పోలీసులకు చెప్పడం గమనార్హం. ప్రస్తుతం ఆమెకు పోలీసులు కౌన్సెలింగ్ ఇస్తున్నారు.