అకోలా నాందేడ్ జాతీయ రహదారిపై రోడ్డు ప్రమాదం..తండ్రి,కొడుకుల మృతి

దిశ,అల్లాదుర్గం : అతివేగంతో కారు డివైడర్ ను ఢీకొనడంతో తండ్రి కొడుకులు మృతిచెందగా ముగ్గురికి గాయాలయ్యాయి. ఈ సంఘటన మెదక్ జిల్లా అల్లాదుర్గం 161 జాతీయ రహదారిపై బుధవారం చోటుచేసుకుంది. పోలీసుల కథనం ప్రకారం నిజామాబాద్ జిల్లా బోధన్ పట్టణానికి చెందిన దేశ్ ముక్ రాజశేఖర్ తన కుటుంబంతో హైదరాబాద్ నుండి బోధన్ కు వెళ్తుండగా అల్లాదుర్గం 161 జాతీయ రహదారిపై వేగంగా బ్రిడ్జిని ప్రయాణిస్తున్న కారు ఢీకొనడంతో రాజశేఖర్(49) తండ్రి శివరాజ్ ( 70) కు తీవ్ర గాయాలయ్యాయి. మరో ముగ్గురికి స్వల్ప గాయాల పాలయ్యారు.

సంఘటన స్థలానికి ఎస్సై ప్రవీణ్ రెడ్డి తన సిబ్బందితో చేరుకుని క్షతగాత్రులను 108 వాహనంలో జోగిపేట ప్రభుత్వ ఆసుపత్రికి తరలించగా ఆసుపత్రిలో చికిత్స పొందుతూ రాజశేఖర్ మృతి చెందారు. మిగతా వారిని మెరుగైన చికిత్స కోసం సంగారెడ్డి తరలించగా చికిత్స పొందుతూ రాజశేఖర్ తండ్రి, శివరాజ్ మృతి చెందారు. మిగతావారు గాయాలతో బయటపడ్డారు. మృతుడి అన్న దేశ్ముఖ్ చంద్రశేఖర్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్సై ప్రవీణ్ రెడ్డి తెలిపారు.