రోడ్డు ప్రమాదంలో ఒకరి మృతి.. జాతీయ రహదారిపై బంధువుల ఆందోళన

దిశ, ములుగు ప్రతినిధి: ములుగు జిల్లా గట్టమ్మ వద్ద బుధవారం జరిగిన రోడ్డు ప్రమాదం లో ద్విచక్ర వాహనంపై ప్రయాణిస్తున్న ఒకరు మృతి చెందారు. స్థానికులు తెలిపిన వివరాల ప్రకారం ములుగు జిల్లా గట్టమ్మ వద్ద ద్విచక్ర వాహనంపై ప్రయాణిస్తున్న వనం రాజు (45) అనే వ్యక్తిని వెనకాల నుండి లారీ ఢీ కొట్టడంతో ద్విచక్ర వాహనంపై ప్రయాణిస్తున్న రాజు తీవ్ర గాయాలతో అక్కడికక్కడే మృతి చెందాడు.ఘటన స్థలానికి చేరుకున్న పోలీసులు మృతదేహాన్ని ములుగు ఏరియా ఆసుపత్రికి తరలించి కేసు నమోదు చేసుకున్నారు. న్యాయం చేయాలంటూ మృతుడు రాజు కుటుంబ సభ్యులు ఏరియా ఆసుపత్రి ముందు జాతీయ రహదారిపై ఆందోళన చేపట్టగా,తీవ్ర ట్రాఫిక్ అంతరాయం ఏర్పడింది. పోలీసులు కలుగజేసుకుని రాజు మృతికి సరైన న్యాయం చేస్తామని హామీ ఇవ్వడంతో కుటుంబ సభ్యులు ఆందోళన విరమించారు.