ద్విచక్ర వాహనం దొంగిలించిన ఇద్దరు అరెస్ట్

దిశ, ఆదిలాబాద్ : ఆదిలాబాద్ జిల్లా కేంద్రంలోని బాలాజీ వైన్స్ పక్కన గల మెట్రో ఆటోమొబైల్స్ ఎదుట నిలిపి ఉంచిన ద్విచక్ర వాహనాన్ని దొంగిలించిన ఇద్దరు వ్యక్తులను పోలీసులు బుధవారం అరెస్టు చేశారు. వారు తెలిపిన వివరాల ప్రకారం బట్టి సావర్గామ గ్రామానికి చెందిన ఆర్మీ కానిస్టేబుల్ భగత్ ధమ్మ పాల్ ఈనెల 18న తన బైక్​ను జిల్లా కేంద్రంలోని బాలాజీ వైన్స్ పక్కన గల మెట్రో ఆటోమొబైల్స్ ఎదుట పార్కింగ్ చేశాడు. దాంతో దానిని దుండగులు చోరీ చేశారు. ఈ మేరకు ఆదిలాబాద్ టూ టౌన్ పోలీస్ స్టేషన్లో ఫిర్యాదు చేశాడు. కేసు నమోదు చేసుకున్న పోలీసులు విచారణ చేపట్టారు.

     కాగా జిల్లా కేంద్రంలోని పంజాబ్ చౌక్ లో బుధవారం ఎస్సై విష్ణు ప్రకాష్ ఆధ్వర్యంలో పోలీసులు వాహనాలను తనిఖీ చేస్తుండగా దొంగిలించిన వాహనాన్ని విక్రయించడానికి వస్తున్న అర్లీ( టీ) గ్రామానికి చెందిన చిట్యాల దశరథ్, సాత్ పెళ్లి అనిల్ పై అననుమానంతో ఆపి అదుపులోకి తీసుకొని విచారించగా తామే ద్విచక్ర వాహనాన్ని దొంగతనం చేసినట్లు నేరం ఒప్పుకున్నారని పోలీసులు తెలిపారు. చోరీ చేసిన వాహనాన్ని జిల్లా కేంద్రానికి చెందిన మెకానిక్ రహీం అనే వ్యక్తితో కలిసి కలర్ ను మార్చి, విక్రయించి వచ్చిన సొమ్మును పంచుకునే ప్రయత్నం చేస్తున్నట్లు తెలిపారు. వారి వద్ద నుంచి వాహనంను స్వాధీనం చేసుకొని, రిమాండ్ కు పంపించినట్లు పోలీసులు తెలిపారు.