Road Accident: హైదరాబాద్‌లో కారు బీభత్సం.. తప్పిన పెను ప్రమాదం

దిశ, వెబ్‌డెస్క్: కారు బీభత్సం సృష్టించిన ఘటన హైదరాబాద్‌ (Hyderabad)లో బుధవారం తెల్లవారుజామున చోటుచేసుకుంది. వివరాల్లోకి వెళితే.. మదాపూర్ (Madhapur) వద్ద ఓ కారు అతివేగంతో మెట్రో డివైడర్ పైనుంచి దూసుకెళ్లింది. ఈ ప్రమాదంలో కారు డ్రైవర్‌కు తీవ్ర గాయాలయ్యాయి. స్థానికుల సమాచారం మేరకు ఘటనా స్థలానికి చేరుకున్న పోలీసులు ప్రమాదం జరిగిన ప్రాంతాన్ని పరిశీలించారు. ప్రమాదానికి కారణం అతివేగమేనని నిర్ధారించారు. సమయం గడుస్తున్నా కొద్ది.. ట్రాఫిక్‌కు తీవ్ర అంతరాయం కలిగే అవకాశం ఉండటంతో పోలీసులు టోయింగ్ వాహనంతో పూర్తిగా ధ్వంసమైన కారును అక్కడి నుంచి తొలగించారు.