బాపట్ల జిల్లాలో రోడ్డు ప్రమాదం.. బాలుడు మృతి, తల్లిదండ్రులకు తీవ్ర గాయాలు

దిశ, వెబ్ డెస్క్: రోడ్డు ప్రమాదంలో 8 ఏళ్ల బాలుడు మృతి చెందిన ఘటన బాపట్ల జిల్లాలో జరిగింది. చీరాల రైల్వే ఫ్లైఓవర్ బ్రిడ్జిపై బైక్‌ను ఆర్టీసీ బస్సు ఢీకొట్టింది. ఈ ఘటనలో బాలుడు అక్కడికక్కడే మృతి చెందగా తల్లిదండ్రులకు తీవ్ర గాయాలయ్యాయి. దీంతో వారిని స్థానికులు ఆస్పత్రికి తరలించారు. విషయం తెలుసుకున్న పోలీసులు ఘటనా స్థలాన్ని పరిశీలించారు. బాలుడి మృతదేహాన్ని పోస్టుమార్టంకు తరలించారు. ఘటనపై కేసు నమోదు చేసి దర్యాప్తు చేస్తున్నారు. బస్సు డ్రైవర్‌ను అదుపులోకి తీసుకుని విచారిస్తున్నారు.