రోడ్డు ప్రమాదంలో ఒకరు మృతి

దిశ, ముత్తారం/ జమ్మికుంట : రోడ్డు ప్రమాదంలో ఒకరు మృతి చెందగా మరొకరికి తీవ్ర గాయాలయ్యాయి. స్థానికులు తెలిపిన వివరాల ప్రకారం మండలంలోని వెంకటేశ్వరపల్లి గ్రామానికి చెందిన చుంచు రమేష్, అతని స్నేహితుడు చంద్రమౌళితో కలిసి అవసరం నిమిత్తం జమ్మికుంట వచ్చి తిరిగి స్వగ్రామం వస్తున్నాడు. జమ్మికుంట మండలం నాగంపేట గ్రామం వద్ద ముందు వెళ్తున్న వాహనాన్ని ఓవర్టేక్ చేసే క్రమంలో ఎదురుగా వస్తున్న టాటా ఏస్​ వాహనన్ని ఢీ కొట్టారు.

    దాంతో తలకు తీవ్ర గాయాలైన చుంచు రమేష్ అనే యువకుడు సంఘటనా స్థలంలోనే మృతిచెందగా, అతని స్నేహితుడైన చంద్రమౌళికి తీవ్ర గాయాలు కావడంతో అతడిని అంబులెన్స్ లో జమ్మికుంట ప్రభుత్వ ఆసుపత్రికి తరలించారు. సంఘటనా స్థలానికి చేరుకున్న పోలీసులు కేసు నమోదు చేసుకొని దర్యాప్తు చేపట్టారు.