విషాదం.. అవతార్ 2 సినిమా చూస్తూ గుండెపోటుతో వ్యక్తి మృతి
అవతార్ 2 సినిమా చూస్తుండగా విషాదం చోటు చేసుకుంది.
దిశ, వెబ్‌డెస్క్: అవతార్ 2 సినిమా చూస్తుండగా విషాదం చోటు చేసుకుంది. సినిమా చూస్తూ గుండెపోటుతో ఓ వ్యక్తి మృతి చెందిన ఘటన ఆంధ్రప్రదేశ్‌లో చోటుచేసుకుంది. వివరాల్లోకి వెళితే.. కాకినాడ జిల్లాకు చెందిన లక్ష్మి రెడ్డి అనే వ్యక్తి తమ్ముడితో కలిసి సినిమా చూడడానికి వెళ్లారు. సినిమా మధ్యలో లక్ష్మి రెడ్డికి ఒక్కసారిగా గుండెపోటు రావడంతో కుప్పకూలిపోయాడు. దీంతో అతని తమ్ముడు రాజు వెంటనే ఆసుపత్రికి తరలించగా.. అప్పటికే మృతి చెందినట్లు వైద్యులు తెలిపారు.