గుర్తు తెలియని వాహనం ఢీకొని వ్యక్తి మృతి..

దిశ, కీసర : గుర్తు తెలియని వాహనం ఢీకొని వ్యక్తి మృతి చెందిన ఘటన కీసర పోలీస్ స్టేషన్ పరిధిలోని నాగారంలో చోటుచేసుకుంది. సీఐ వెంకటయ్య తెలిపిన వివరాల ప్రకారం బీహార్ కు చెందిన షియా శరన్ రాయ్ (37) గత కొద్ది రోజులుగా నాగారం మున్సిపల్ పరిధిలోని సుర్వి బాబయ్య ఫంక్షన్ హాల్ ఎదురుగా ఉన్న మార్బుల్ షాప్ లో పనిచేస్తున్నాడు.

రోజులాగే శనివారం రాత్రి పదిన్నర గంటల సమయంలో విధులు ముగించుకొని ఇంటికి వెళ్లేందుకు రోడ్డు దాటుతుండగా గుర్తు తెలియని వాహనం ఢీకొని తీవ్రగాయాలయ్యాయి. స్థానికుల సమాచారంతో ఘటనా స్థలానికి చేరుకున్న పోలీసులు తీవ్ర గాయాలైన షియా శరన్ రాయ్ (37) సమీపంలోని ఆసుపత్రికి తరలించారు. ఆసుపత్రిలో చికిత్స పొందుతూ మృతి చెందాడు.