కన్న తల్లికి ఫోన్ చేసి రోదిస్తూ.. భార్య వేధింపులు భరించలేనంటూ సూసైడ్
నా భార్య పెట్టే వేధింపులు భరించడం నావల్ల కాదు అంటూ తన తల్లికి ఫోన్ కాల్ చేసి, ఉరేసుకుని ఓ వ్యక్తి ఆత్మహత్యకు పాల్పడిన ఘటన జూబ్లీహిల్స్ పోలీస్ స్టేషన్ పరిధిలో చోటుచేసుకుంది.
దిశ, జూబ్లీహిల్స్: 'నా భార్య పెట్టే వేధింపులు భరించడం నావల్ల కాదు అంటూ తన తల్లికి ఫోన్ కాల్ చేసి, ఉరేసుకుని ఓ వ్యక్తి ఆత్మహత్యకు పాల్పడిన ఘటన జూబ్లీహిల్స్ పోలీస్ స్టేషన్ పరిధిలో చోటుచేసుకుంది. వివరాల్లోకి వెళితే... నిజామాబాద్ జిల్లా బాన్సువాడ మండలం బుదిమి గ్రామానికి చెందిన మహమ్మద్ నవాజ్ (35) , జీడిమెట్ల ప్రాంతానికి చెందిన శ్వేతా రెడ్డి అనే యువతీని ప్రేమ వివాహం చేసుకుని, కృష్ణ నగర్ లో నివాసం ఉంటున్నారు. పెళ్లైన కొన్నాళ్లకే వీరిద్దరి మధ్య గొడవలు ప్రారంభం అయ్యాయి. ఈ నేపథ్యంలో భర్త నవాజ్ మీద భార్య శ్వేతా రెడ్డి కరీంనగర్, బాలానగర్, బాన్సువాడ పోలీస్ స్టేషన్‌లలో వేధింపుల కేసులు పెట్టింది. పోలీసులు కౌన్సిలింగ్ ఇవ్వడంతో వారిద్దరూ కలిసి కృష్ణానగర్‌లో నివాసం ఉంటున్నారు.
ఈ నేపథ్యంలో ఈ నెల 16న సాయంత్రం తన తల్లి సాబెరా బేగంకు ఫోన్ కాల్ చేసిన నవాజ్ తీవ్రంగా ఏడుస్తూ తన భార్య పెట్టే వేధింపుల గురించి మోర పెట్టుకున్నాడు. సొంతూరులో ఉన్న రూ. 30 లక్షల విలువైన ఆస్తిని తన పేరుతో రాయాలంటూ టార్చర్ పెడుతుందని.. స్థానికంగా ఉండే రౌడీలతో తనను కొట్టించడం తో పాటు తిండి పెట్టకుండా రోజుల పాటు ఆకలితో పస్తులు ఉండేలా చేస్తుంది అని రోధిస్తూ చెప్పాడు. ఎప్పుడు పడితే అప్పుడు పోలీసులకు ఫోన్ చేసి జైల్లో వేయిస్తా అంటూ బెదిరిస్తోంది అని.. తనకు ఇలాంటి జీవితం అవసరం లేదు, ఏదో ఒకరోజు తాను భార్య చేతిలో చావడం ఖాయం అంటూ .. తనకు ఆత్మహత్య చేసుకోవడం మినహా మరో మార్గం లేదంటూ ఆవేదన వ్యక్తం చేశాడు. తల్లికి కాల్ చేసిన తర్వాత అదే రోజు రాత్రి తన గదిలో ఉరేసుకుని ఆత్మహత్య చేసుకున్నాడు. ఈ విషయం తెలుసుకున్న తల్లి మరుసటి రోజు ఉదయం జూబ్లిహిల్స్ పోలీసులకు ఫిర్యాదు చేశారు. కోడలి వేధింపుల వల్లనే తన కొడుకు ఆత్మహత్య చేసుకున్నాడని ఫిర్యాదులో పేర్కొంది. ఈ మేరకు పోలీసులు బీఎన్ఎస్ 194 సెక్షన్ కింద కేసు నమోదు చేసి దర్యాప్తు చేస్తున్నారు.
Read More..