బ్రేకింగ్: హిందుస్థాన్ ఏరోనాటిక్స్‌లో హనీ ట్రాప్ కలకలం

దిశ, వెబ్‌డెస్క్: భారత రక్షణ మంత్రిత్వ శాఖ పరిధిలోని హిందుస్థాన్ ఏరోనాటిక్స్‌లో హనీ ట్రాప్ కలకలం రేపింది. ఒరిస్సాలోని సోనాబెడలో ఇద్దరు హిందుస్థాన్ ఏరోనాటిక్స్‌ లిమిటెడ్ ఉద్యోగులకు ఓ కిలాడి వలపుల వల విసిరింది. దీంతో యువతి ట్రాప్‌లో పడిన అధికారులు కీలక సమాచారం లీక్ చేసినట్లు ఆరోపణలు వెల్లువెత్తుతున్నాయి. వెంటనే అప్రమత్తమైన కేంద్ర దర్యాప్తు సంస్థ సీబీఐ రంగంలోకి దిగి హనీ ట్రాప్ వలలో చిక్కుకున్న ఆ ఇద్దరు అధికారులను అదుపులోకి తీసుకున్నారు. యువతికి ఏ సమాచారం లీక్ చేశారనేదానిపై సీబీఐ అధికారులు ఆరా తీస్తున్నారు. యువతితో పరిచయం, సంబాషణ వంటి విషయాలపై లోతుగా ఆరా తీస్తున్నట్లు సమాచారం.