బంధువుల ఇంటికి వెళ్తూ పరలోకాలకు

దిశ, చొప్పదండి : బంధువుల ఇంటికి వెళ్తూ పరలోకాలకు వెళ్లిన ఘటన చొప్పదండిలో చోటు చేసుకుంది. పోలీసులు తెలిపిన వివరాల ప్రకారం సిరిసిల్ల జిల్లా బోయిన్పల్లి మండలం మర్లపేటకు చెందిన తూము వంశీకృష్ణ, జంగపల్లి విజయ్ కలిసి బైక్ పై చొప్పదండి మండలం కొలిమికుంట గ్రామంలోని బంధువుల ఇంటికి వెళ్తున్నారు.

     చొప్పదండి గుమ్లాపూర్ శివారులో రామడుగు వెళ్తున్న కారు రాంగ్ రూట్లో వచ్చి బైక్ ను వేగంగా ఢీకొట్టింది. దాంతో విజయ్ అక్కడికక్కడే మృతి చెందాడు. వంశీకృష్ణకు తీవ్ర గాయాలయ్యాయి. కారు నడుపుతున్న రామడుగు మండలం గోపాలరావుపేట గ్రామానికి చెందిన దాసరి రమేష్ పై మృతుడు తండ్రి శంకరయ్య ఇచ్చిన ఫిర్యాదుతో కేసు నమోదు చేసినట్లు ఎస్సై జి.అనూష తెలిపారు.