200 గ్రాముల గంజాయి పట్టివేత

దిశ, కోరుట్ల : గంజాయి అమ్ముతున్న ఇద్దరు యువకుల్ని పట్టుకున్న ఘటన జగిత్యాల జిల్లా మెట్ పల్లిలో చోటుచేసుకుంది. సీఐ నిరంజన్ రెడ్డి తెలిపిన వివరాల ప్రకారం మెట్ పల్లి పట్టణంలోని అర్బన్ కాలనీలో ఇద్దరు యువకులు గంజాయి అమ్ముతున్నారే సమాచారం మేరకు ఎస్ఐ చిరంజీవి తన సిబ్బందితో తనిఖీలు నిర్వహించగా పట్టణానికి చెందిన పోతు అక్షయ్, బండి సాయిరాం అనే యువకుల వద్ద 200 గ్రాముల గంజాయి పట్టుకుని విచారించారు. వీరు నిజామాబాదు రైల్వే స్టేషన్ వద్ద ఓ వ్యకి వద్ద కొనుగోలు చేసి ఇక్కడ అమ్ముతున్నట్లు తెలిపారు. దాంతో వరిని అదుపులోకి తీసుకొని కేసు నమోదు చేసి రిమాండ్ కు తరలించినట్లు తెలిపారు. మెట్ పల్లి డివిజన్ పరిధిలో గంజాయి అమ్మినా, కొన్నా కఠిన చర్యలు తప్పవని పోలీసులు హెచ్చరించారు.