టాస్క్‌ఫోర్స్ దాడుల్లో పట్టుబడిన గంజాయి.. ఇద్దరి అరెస్ట్

దిశ, కేయూ క్యాంపస్: టాస్క్ ఫోర్స్ దాడుల్లో గంజాయి పట్టుబడగా ఇద్దరిని పోలీసులు అరెస్ట్ చేశారు. హన్మకొండలోని కేయూ పరిధిలో గంజాయి విక్రయాలు, వినియోగం గురించి విశ్వసనీయ సమాచారం మేరకు టాస్క్‌ఫోర్స్ సిబ్బంది, కేయూ క్యాంపస్ పోలీసులతో కలిసి దాడులు నిర్వహించారు. గుగులోత్ గణేష్, ధరావత్ గణేష్‌ల నుంచి రూ.22వేలు విలువ చేసే కేజీ 100 గ్రాముల గంజాయిని స్వాధీనం చేసుకున్నారు. గంజాయి మత్తులో ఉన్న ఇద్దరిని పోలీసులు అదుపులోకి తీసుకున్నారు. ఆటో TS03 UB 1417ను స్వాధీనం చేసుకున్నారు.

బంధువుల ఇంటికి వెళ్లిన తమకు సారపాక, భద్రాచలం వెళ్లి‌న క్రమంలో గోపి అనే వ్యక్తితో పరిచయం ఏర్పడిందని తెలిపారు. అతడి‌తో కలిసి భద్రాచలం‌లో గంజాయి వ్యాపారి వద్ద గంజాయిని కొనుగోలు చేసినట్లు ‌నిందితులు ఒప్పు‌కున్నట్లు పోలీసులు తెలిపారు. ధరావత్ గణేష్‌పై ఇదివరకే 4 కేసులు ఉన్నాయని పోలీసులు తెలిపారు. గోపి పరారీలో ఉన్నట్లు పోలీసులు తెలిపారు. ఈ దాడుల్లో పాల్గొన్న ఇన్స్ పెక్టర్లు వి. నరేష్ కుమార్, ఎన్. వెంకటేశ్వర్లు, వి.లవన్ కుమార్, ఎస్ఐ మరియు టాస్క్ ఫోర్స్ బృందాన్ని డా. ఎం. జితేందర్ రెడ్డి, ఏసీపీ వైభవ్ రఘునాథ్ గైక్వాడ్ అభినందించారు.

Also Read...

శివారులో జోరందుకున్న ఆ దందా